तुम्हांवर केली मी मर्जी बहाल
नका सोडुन जाऊ, रंगमहाल
पापण्यांची तोरणं बांधुन डोळ्यांवरती
ही नजर उधळिते काळजातली पिर्ती
जवळी यावं, मला पुसावं, गुपीत माझं खुशाल
तुम्हांवर केली मी मर्जी बहाल
नका सोडुन जाऊ, रंगमहाल
हुरहुर म्हणु की ओढ म्हणू ही गोड
या बसा मंचकी, सुटंल गुलाबी कोडं
विरह जाळिता मला, रात ही पसरी मायाजाल
तुम्हांवर केली मी मर्जी बहाल
नका सोडुन जाऊ, रंगमहाल
लाडे-लाडे अदबिनं तुम्हा विनविते बाई
पिरतिचा उघडला पिंजरा तुमच्या पायी
अशीच ऱ्हावी रात साजणा, कधी न व्हावी सकाळ
तुम्हांवर केली मी मर्जी बहाल
नका सोडुन जाऊ, रंगमहाल
0 comments:
Post a Comment